PAGDAYAW
By: Demy Sonza
Mga bantay sa talugtog
Patunuga niyo ang budyong
Patika niyo ang turutog
Pahagonga niyo ang agong
Tatlo na ka gab-e ang ugsad
Kay suno sang pinanaad sang
aton mangin alamun
Nag abot na diyan ang ti-on
Karun amu na ang takna
Nga sa trono magasaka
Ang bag-o natun nga hara
Kag kurungan sang korona
Pro gin paagi siya sa
talaksan
Sang kaalam kag katilun’an
Hapos niya nampuhasan
Ang sukat kag ang timbangan
Gani dapat siya kag bagay
Mag gahum sang ginharian
Upod sand iya kaubay ang
lalaki nga amboy
Kung ara na diwan-un
Reyna na waay sanglitan
Nonggas sining kagabihun
Ang imu gumkugus
Samtang naga lumlum
ang bulan sa kalangitan
Akon gin amba ang imu
kakayawan
Kay imu gina angkon
kagayunan nga lubos
tulay ikaw nga kaanyagan na
dapat pagaginawan
sa pagtulog handurawan ang kaundag
Walang komento:
Mag-post ng isang Komento